Camau: Hyfforddiant Cymraeg y Blynyddoedd Cynnar a Gofal Plant

Camau yw cwrs iaith Gymraeg sydd yn bwrpasol i’r sector blynyddoedd cynnar,gofal plant a gwaith chawarae a ddyfeisiwyd gan y Ganolfan Dysgu Cymraeg Genedlaethol gyda’r nod o gynyddu nifer y siaradwyr Cymraeg o fewn y sector.

Mae yna 3 lefel i’r cwrs hunan astudiaeth, ar-lein yma yn cychwyn gyda Mynediad. Fe fyddwch yn dysgu Cymraeg sylfaenol fel lliwiau, rhifau, ynganiad a chyfarchion. Byddwch yn dechrau trafod diwrnodau’r wythnos yn Gymraeg, y tywydd, yr amser a theimladau. Ar ddiwedd lefel Mynediad cewch tystysgrif a byddwch yn barod i symud ymlaen i’r lefel Sylfaen.

Ar y lefel yma byddwch yn trafod y presennol, gorffennol a’r dyfodol, gofyn cwestiynau a thrafod pethau fel gofalu am anifeiliad anwes. Gallwch symud ymlaen i lefel Canolradd ble cewch gweithgareddau i ymarfer a chodi hyder.

Ar wefan Dysgu Cymraeg os ydych yn dewis “Cymraeg Gwaith” ar y ddewislen ar ben y dudalen, dyma bydd yr holl wybodaeth sydd angen. Gallwch wedyn penderfynnu pa lefel sy’n addas i chi. Mae’r linc i gychwyn y cwrs ar gael trwy ebostio [email protected] i sicrhau bod eich cwrs wedi mapio’n gywir ac eich bod yn cael y cefnogaeth cywir, am ddim, gan dîm yr Iaith Gymraeg yn NDNA Cymru.
Byddwch yn derbyn tystysgrif cyrhaeddiad ar diwedd bob un o’r 3 lefel.

Camau: Hyfforddiant Cymraeg y Blynyddoedd Cynnar a Gofal Plant

Cefnogaeth gan NDNA Cymru

Mae NDNA Cymru yn gallu arddangos Camau i’r sefydliad i roi fwy o wybodaeth i chi am beth allech chi ddysgu, sut i gael mynediad i’r cwrs, ble gallech ffeindio adnoddau i gefnogi chi, i drafod gwybodaeth allweddol fel hyd y cwrs a hefyd sut mae’r cwrs yn edrych.

Mae gan NDNA Cymru llawer o daflenni wybodaeth ac adnoddau er mwyn gwreiddio’r r iaith yn y sefydliad ar ôl cwblhau Camau. Rydyn ni’n gallu rhoi cymorth 1 i 1, wyneb i wyneb, dros y wê, fel galwad ffôn a trwy e-bost os ydych angen cymorth gyda’r cwrs neu sut i weithredu’r iaith yn y sefydliad. 

Darllenwch am siwrne rhai dysgwyr Camau yma.